Sáýirde Toyota Motor kólikteriniń álemdik satylymy bir jylmen salystyrǵanda 11,1 paıyzǵa tómendep, 763 708-ge jetti, dep habarlaıdy Egemen.kz.
Japonııadaǵy satylymdar 16,8 paıyzǵa azaıǵan. Elde dál osy markadaǵy 103 143 kólik, al ózge memleketterde 660 565 kólik satylǵan. Sheteldegi satylymdar 10,2 paıyzǵa az.
Qazir Toyota-nyń kólik óndirisi el ishinde 9 paıyzǵa jáne Japonııadan tys jerlerde 9,1 paıyzǵa tómendedi.
«COVID-19 indetine jáne qosalqy bólshekterdi jetkizýge qatysty jaǵdaılar túsiniksiz bolǵandyqtan, biz osy faktorlardyń áserin barynsha azaıtý úshin bar kúshimizdi salyp jatyrmyz», delingen japondyq kompanııanyń málimdemesinde.