Júrgizýshi kýáligin áleýmettik jelide satatyndar kóbeıgen

Osyǵan oraı «Azamattar­ǵa arnal­ǵan úkimet» memleket­tik korporasııasy áleýmet­tik jelilerde júrgizýshi kýáli­gin usynatyn alaıaqtardyń jıi­lep ketkenin eskertip, alaıaq­tardyń qury­ǵyna túsip qalý­dan saq bolýǵa shaqyrady. Taıaýda ǵana memlekettik korporasııa halyq kóp paıdalanatyn jelilerde azamattarǵa júrgizýshi kýáligin aqshaǵa satyp alýdy usynatyn 30-ǵa jýyq jazba men habarlamany anyqtaǵan. Alaıaqtar qarapaıym shema boıynsha áreket etedi – klıent olar­ǵa qońyraý shalǵan kezde olar daıyn júrgizýshi kýáligi úshin 50-60 myń teńge kóleminde aqsha suraıdy jáne qujatty bir aı ishinde berýge ýáde be­redi. Aqshany alǵannan ke­ıin álgiler áleýmettik jeli­degi búkil baılanystaryn óz­gertip, ózderi jasyrynyp, telefondaryn óshirip tastaıdy.

«Azamattarǵa arnalǵan úkimet» memlekettik korpo­rasııasynyń qyz­met­kerleri osyndaı habarlamalar­dy turaqty negizde qadaǵalap, anyq­talǵan aqparattardy qu­qyq qorǵaý organ­daryna joldap otyrady. Máse­len, bıylǵy sáýir aıynda IIM-ge júr­gizýshi kýáligin alýǵa zańsyz túrde kómek­tesý­ge ún­degen 12 fakti boıynsha aq­parat berilgen.

Osyǵan oraı IIM ókilderi men «Aza­mattarǵa arnalǵan úkimet» memle­kettik korpo­ra­sııasynyń qyzmet­ker­leri júrgizýshi kýáligin tek tıisti emtı­handardan ótý arqyly mamandan­dyrylǵan Halyq­qa qyzmet kórsetý orta­lyq­­tarynan alýǵa bolatynyn eske salady. Sondaı-aq júr­gizýshi kýáligi úshin 1,25 AEK (3 975 teńge) mólsherinde mem­lekettik baj salyǵyn tó­leý qajet.

Emtıhandar kezinde aldymen teo­rııalyq, sodan keıin tájirıbelik synaq­tar tapsyrylady. Teorııalyq emtıhanda 40 mınýt ishinde 40 suraqqa jaýap berý kerek. Emtıhannan ótý úshin 32 suraqqa durys jaýap berý qajet bolsa, avtodromdaǵy praktıkalyq emtıhan kezinde 20 mınýt ishinde júrgizýshi kýáligin alýǵa úmitker avto­kólikpen júrý arqyly 12 synaqtan ótýi kerek. Eger úmit­ker eki emtıhannan da súrin­beı ótse, oǵan júrgizýshi kýá­ligi beriledi.