Irannyń ońtústik-shyǵysynda poıyz ekskavatormen soqtyǵysyp, vagondar relsten shyǵyp ketken, dep habarlaıdy Egemen.kz.
Islam Respýblıkasynyń Memlekettik temir joly basqaratyn poıyz Tegerannan ońtústik-shyǵysqa qaraı shamamen 550 shaqyrym (340 mıl) ornalasqan Tabas qalasynan Iezd qalasyna deıin 350-ge jýyq adamdy tasymaldaǵan. Sol mańda ekskavatormen soqtyǵysyp, tórt vagon relsten shyǵyp ketken. Saldarynan 21 adam qaza taýyp, 87 jolaýshy jaraqat alǵan. Oqıǵa ornynda dárigerler men qutqarýshylar áli jumys istep jatyr.
Iran prezıdenti Ibrahım Raısı poıyz apatyna baılanysty kóńil aıtyp, onyń sebepterine qatysty tergeý júrgiziletinin habarlady.
Saltanat Kenjebaı