Amanat partııasynyń Ortalyq apparatynda Talqylau dıalog alańynyń kezekti otyrysy ótti. Bul joly sarapshylar referendýmnyń qorytyndysy men Jańa Qazaqstannyń Konstıtýsııasy taqyryby tóńireginde oı-pikirlerin ortaǵa saldy.
Jıynǵa qatysqan Premer-Mınıstrdiń orynbasary Eraly Toǵjanov referendým qorytyndysy qoǵamdyq toptasýdyń jańa deńgeıin kórsetkenin atap ótti.
«Bul elimizdiń odan ári damý bolashaǵy týraly bılik pen qoǵamnyń ortaq túsinigi bar ekenin bildiredi. Azamattar elimizdiń Ata Zańyna engizilgen ózgerister men tolyqtyrýlardy qoldady. Endi Úkimettiń aldynda jańa mindetter tur – bul azamattardyń barlyq syndarly ótinish-tilekterin jedel ári tıimdi sheshý jáne barlyq salany strategııalyq basqarý. Iаǵnı sapaly jumys oryndaryn qurý, halyqtyń tabys deńgeıin, áleýmettik jáne medısınalyq qyzmet kórsetý sapasyn arttyrý, kólik-logıstıkalyq júıeni jetildirý sekildi mańyzdy ári aýqymdy jumystardy atqarýymyz qajet», dedi vıse-premer.
О́z kezeginde Amanat partııasynyń atqarýshy hatshysy Ashat Oralov 5 maýsymda ótken referendým elde demokratııa ınstıtýty nyǵaıyp kele jatqanyn kórsetkenin atap ótti.
«Bul mańyzdy saıası oqıǵa memlekettilikti demokratııalyq qundylyqtarǵa negizdep qurýǵa degen baǵdarymyzdy bekitti dep senimmen aıta alamyz. Konstıtýsııaǵa engiziletin ózgerister – saıası reformalardyń basy ǵana. Elimizdi jan-jaqty jańǵyrtý jumysy jalǵasady. Partııa jańa jaǵdaıǵa daıyn. Eldiń jetekshi saıası kúshi pozısııasyn saqtap qalý úshin Amanat-tyń áleýeti jetkilikti. Tájirıbeli saıası oıynshy jáne parlamenttik kópshilik daýysqa ıe partııa retinde naqty básekelestikke daıynbyz», dedi Ashat Oralov.
«Egemen Qazaqstan» Respýblıkalyq gazeti» JShS bas dırektory Darhan Qydyráliniń pikirinshe, referendým demokratııalyq respýblıkaǵa azamattyq, ashyq qoǵamǵa jáne ádiletti elge jasalǵan naqty qadam boldy.
«Prezıdent usynǵan reformalar baǵyty qoǵamda qordalanyp qalǵan kókeıkesti máselelerdiń túıinin tarqatty, al referendým ózgeristerdiń bastalǵanyn aıqyndaıdy», dep atap ótti Darhan Qydyráli.
Májilistegi Amanat fraksııasynyń múshesi Iýlııa Kýchınskaıa referendým azamattardyń edáýir bóligin saıası prosesterge boılap, elde bolyp jatqan ózgeristerdi saralaýyna múmkindik berdi dep sanaıdy.
«Eger azamattar qandaı ózgerister oryn alyp jatqanyn, túzetýlerdi qabyldaǵannan keıin olardyń qandaı múmkindikteri bolatynyn túsinbese, ózgerister tek qaǵaz betinde qalyp qoıýy múmkin», dep qosty Iýlııa Kýchınskaıa.
Parlament janyndaǵy Parlamentarızm ınstıtýtynyń dırektory Mansurhan Mahambetovtiń aıtýynsha, reformalar birinshi kezekte memlekettik bıliktiń tıimdiligin arttyrýǵa baǵyttalǵan.
«Iаǵnı, memlekettik bıliktiń standartyn jasaýymyz kerek. Standart bolǵan jerde ǵana tártip, ashyqtyq, jaýapkershilik bolady. Standart degenimiz – jalpy ereje. Biz memlekettik bıliktiń pármendiligin arttyramyz desek, osy standarttyń tóńireginde jumyla jumys isteýimiz qajet», dedi M.Mahambetov.
Esterińizge sala keteıik, Talqylau dıalog alańyn qurý bastamasy Amanat partııasynyń 1 naýryzda ótken kezekten tys sezinde partııalyq transformasııa baǵdarlamasy tarmaqtarynyń biri retinde kóterilgen bolatyn. Alańda sarapshylar, depýtattar, memlekettik organdar men úkimettik emes uıym ókilderi azamattardy tolǵandyratyn ózekti máselelerdi sheshý jóninde usynystar ázirleý úshin turaqty túrde kezdesip otyrady.