Senat Tóraǵasy Máýlen Áshimbaevtyń tóraǵalyq etýimen Bıýro otyrysy boldy. Onda Palatanyń aldaǵy otyrysynyń kún tártibi bekitildi, dep habarlaıdy Egemen.kz.
Depýtattar 16 maýsymda, beısenbi kúni Senat otyrysynda Qazaqstan Respýblıkasynyń Úkimeti men Respýblıkalyq bıýdjettiń atqarylýyn baqylaý jónindegi esep komıtetiniń 2021 jylǵy respýblıkalyq bıýdjettiń atqarylýy týraly esebin tyńdaıdy.
Senatorlar Palatanyń aldaǵy otyrysynda «Qazaqstan Respýblıkasynyń keıbir zańnamalyq aktilerine elektr energetıkasy, energııa únemdeý jáne energııa tıimdiligin arttyrý, jer qoınaýyn paıdalaný, jergilikti memlekettik basqarý jáne memlekettik shekara máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda qaraıdy. Qujatta elektr stansııalarynda gaz qondyrǵylaryn salý jónindegi ınvestısııalyq jobalardy iske asyrý úshin quqyqtyq baza jasaý kózdelip otyr.
Bıýro músheleri Májilis buryn maquldaǵan zań jobalary boıynsha jumysty odan ári jalǵastyrý úshin Senattyń turaqty komıtetterine bólip berdi.