О́tken jyldyń qorytyndysy boıynsha elordada bıýdjet qarajatyn ýaqytyly ıgere almaǵan memlekettik mekemelerdiń tizimi jarııalandy, dep habarlaıdy Egemen.kz.
Nur-Sultan qalalyq máslıhattyń kezekti otyrysynda 2021 jylǵy qalalyq bıýdjettiń ıgerilý máselesi saralandy.
«О́tken jyly qalalyq bıýdjetke 720 mlrd 378 mln teńge qarjy tústi. Osylaısha jospar 43 mlrd 156 mln teńgege artyǵymen oryndaldy. Onyń ishinde jeke tabys 496 mlrd 264 mln teńgeni quraıdy. Sonymen qatar 2021 jyly salyqtan 455 mlrd 273 mln teńge qarjy tústi. Bıýdjet shyǵysyna kelsek ótken jyldyń qorytyndysy boıynsha 699 mlrd 900 mln teńgeni qurady», dedi Nur-Sultan qalasy qarjy basqarmasynyń basshysy Álibı Jumaev óz baıandamasynda.
Kórsetilgen aqparatqa sáıkes, ótken jyly Nur-Sultan qalasynyń bıýdjetin ıgerý kórsetkishi 97,2%-dy quraǵan.
«О́tken jyly qurylys basqarmasy qarjynyń 53,8%-yn ıgermegen, otyn-energetıka kesheni jáne kommýnaldyq sharýashylyq basqarmasy - 38,4%, bilim basqarmasy - 1,5%, polısııa departamenti - 1,4%, sol sııaqty dene shynyqtyrý jáne sport basqarmasy - 1,2%-ǵa qarjyny ıgermeı otyr. Osyǵan sáıkes, 2021 jyldyń qorytyndysy boıynsha bıýdjet qarajaty ýaqytyly ıgerilmegeni úshin 15 laýazymdy tulǵa jaýapkershilikke tartyldy», deıdi ol.