«Almaty temirjol kóligi kolledji» janynan aqyn, fılosof, Qazaqstan Jazýshylar odaǵynyń múshesi, «Tulǵa-dostyq» qoǵamdyq qorynyń dırektory Murathan Shoqan «Jaratylysnama» danalyq akademııasynyń dárishanasyn ashty, dep jazady Egemen.kz.
Prezıdentimiz Qasym-Jomart Toqaevtyń Jańa Qazaqstan qurý ıdeıasyn qoldaý maqsatynda aqyn «Jaratylysnama» danalyq akademııasyn ashyp, aǵartýshylyq avtorlyq jobany júzege asyrýdy josparlap otyr.
Dárishananyń ashylý saltanatyna Almaty qalasy Ádilet departamentiniń basshysy Abaı Arap, Almaty qalasy Mádenıet basqarmasynan Arman Qalybekov, Almaty qalalyq «Amanat» partııasy tóraǵasynyń birinshi orynbasary Meıirjan Otynshıev, Almaty qalasy máslıhatynyń depýtaty, D.A.Qonaev atyndaǵy atyndaǵy kolledj dırektory, QR bilim berý isiniń qurmetti qyzmetkeri Raıhan Bólekbaeva, QR IIM Maqan Esbolatov atyndaǵy Almaty akademııasynyń ıdeologııalyq jáne ımıdjdik jumysy bóliminiń bastyǵy polısııa podpolkovnıgi Jakııanov Elnar, QR Ulttyq kitaphanasynyń ǵylymı hatshysy, halyqaralyq «Alash» syılyǵynyń ıegeri Bolat Júnisbekov, Mesenat, «Atameken» qarjylyq ónerkásip tobynyń basshysy, memlekettik «Parasat», «Qurmet» ordenderiniń ıegeri Uzaqbaı Rústem, Ǵalym, ál-Farabı atyndaǵy Qazaq ulttyq ýnversıteti «Turan-Iran» ǵylymı zertteý ortalyǵynyń jetekshisi Islam Jemeneı, Jetisý aýdandyq bilim bóliminiń basshysy Saltanat Qusaıynova, «Qurmet» ordeniniń ıegeri, kásibı áskerılendirilgen avarııalyq-qutqarý qyzmetteri Vavılın Vıacheslav, Assambleıa músheleri Abdýhalıl Dolkýntaı, Asmatov Ershat, № 187 balabaqshasynyń dırektory Farıda Omarbekova, Almaty temir jol kóligi kolledjiniń dırektory Almas Qalıev, «Tulǵa-Dostyq» klýbynyń músheleri, kásipker azamattar Arman Sarynov, Asylbek Qusaıynqazy, Aıdyn Haıdar, t.b. zııaly qaýym ókilderi, óner adamdary, ǵalymdar men mamandar men jastar qatysty.
Akademııa maqsaty - adamdardyń kóńilderin pendeshilik sezimderinen tazartyp, adamgershilik izgilik sezimderin oıatý, oılaý qabiletin jetildirý, adamgershilikke, parasattylyqqa, danalyqqa tárbıeleý. Qoǵamdaǵy ártúrli ustanymdardyń aq-qarasyn túsinýge, qarym-qatynastardy durys jolǵa qoıýǵa baǵdar beretin, adastyrmaıtyn, rýhanı kúsh syılaý. Adam balasyna ortaq ataqqumarlyq, dúnıe qumarlyq, mansapqumarlyq syndy úsh qumarlyqtan aryltý.
Baryn basqamen bólisetin, tutas ǵalamnyń qamyn jeıtin, baqytty ǵumyr súretin «Jaratylystyq» sheńberge, jetinshi kemeldilik sheńberine (joǵary sanaǵa) kóterilýine jol kórsetý.