Amanat partııasy Saıası menedjment akademııasy aýyl jáne aýyldyq okrýg ákimderin oqytý baǵdarlamasyn bastady. Baǵdarlamanyń birinshi kezeńinde 500-den astam aýyl ákimi halyqtyń ekonomıkalyq belsendiligin arttyrý salasyndaǵy biliktiligin jetildirý kýrstarynan ótýde.
Partııanyń atqarýshy hatshysy Ashat Oralov beınekonferensııa baılanysy arqyly Saıası menedjment akademııasy uıymdastyrǵan aýyl, aýyldyq okrýg ákimderi men partııanyń aýmaqtyq fılıaldarynyń atqarýshy hatshylaryn oqytý semınaryna qatysty.
13-22 maýsym aralyǵynda ótetin oqytý semınaryna Aqmola, Aqtóbe jáne Qyzylorda oblystarynyń 535 aýyl ákimi qatysyp jatyr. Jyl sońyna deıin elimiz boıynsha eki myńnan astam aýyl ákimi men partııa aýmaqtyq fılıaldarynyń atqarýshy hatshylaryn oqytý josparlanýda.
Oqytý barysynda qatysýshylar marketıngtik taldaý júrgizýdi jáne aýyl ekonomıkasyn kóterýdiń perspektıvalyq baǵyttaryn anyqtaýdy úırenedi. Aýylda tıimdi bıznes-jobalardy jasaý daǵdylaryn is júzinde pysyqtaýǵa basa nazar aýdarylady.
Semınarǵa qatysýshylar aldynda sóz sóılegen Ashat Oralov partııa, ásirese, aýyldyq jerlerde halyqtyń tabysyn arttyrý máselelerine erekshe nazar aýdaryp otyrǵanyn atap ótti.
«Jańa Qazaqstandy qurý jaǵdaıynda zamanaýı basqarýshylardy daıarlaýdyń jańa sapaly úlgisi qajet. Olardyń biliktiligin arttyrý úshin Saıası menedjment akademııasy tolyqqandy daıyndyq baǵdarlamalaryn ázirledi. Osylaısha, 500-den astam aýyl ákimin oqytý bastalyp ketti. Al jyl sońyna deıin 2 myńnan astam ákim biliktiligin arttyrady. Oqýdy tıimdi ótkizý úshin Akademııa trenerleri óńirlerge arnaıy baryp, oflaın formatta oqytyp jatyr. Ákimderdiń alǵan bilimderi eń aldymen aýyl turǵyndarynyń ómir súrý sapasyn jaqsartýǵa septigin tıgizetinine senimdimiz», dedi partııanyń atqarýshy hatshysy.
Aıta ketsek, aýdandyq mańyzy bar qalalar, aýyldar, kentter men aýyldyq okrýgter ákimderiniń alǵashqy tikeleı saılaýynyń qorytyndysy boıynsha bıyl Amanat partııasynyń músheleri okrýgterdiń 87,3%-ynda jeńiske jetti. О́ńirlik konferensııalarda partııadan usynylǵan 746 kandıdat jáne 124 ózin-ózi usynýshy ákim bolyp saılandy. Olardyń kópshiligi bastaýysh partııa uıymdarynyń tóraǵalary men partııaishilik praımerızdiń qatysýshylary.
«Bizge joǵary deńgeıdegi trenerler kelip, marketıngtiń zamanaýı quraldarynyń negizderin, bolashaǵy bar bıznes-jobalardy anyqtaýdy naqty mysaldarmen túsindirýde. Osynyń bárin azamattardyń ekonomıkalyq belsendiligin arttyrý úshin aýylǵa engizý qajet. Alǵan bilimimizdi is júzinde qoldanýǵa tyrysamyz», dedi Qyzylorda oblysyndaǵy Shıeli kentiniń ákimi Ǵabıt Amanjolov.
Esterińizge sala keteıik, Amanat partııasynyń kezekten tys HHII sezinde Prezıdent Q.Toqaev basshylardy daıarlaý sapasyn jaqsartýdy, bir jolǵy semınarlar men trenıngterden góri júıeli, tolyqqandy daıyndyq baǵdarlamalaryna kóshýdi, sondaı-aq partııa aktıvine jergilikti jerlerge baryp oqytatyn trenıngter ótkizýdi tapsyrǵan bolatyn.