Memleket basshysy eldegi saıası reformalardyń mánin halyqqa túsindirý asa mańyzdy ekenin qadap aıtty, dep habarlaıdy Egemen.kz.
«Eń bastysy, bizdiń baǵdarymyzdy halyqtyń basym kópshiligi qoldap otyr. Azamattarymyz elimizde túbegeıli ózgeris bolatynyna senedi. Degenmen, referendým tabysty ótti eken dep, bosańsýǵa bolmaıdy. Naǵyz jumys endi bastaldy», dedi Prezıdent quryltaı barysynda.
Memleket basshysy qazirgi jańǵyrý úderisi jalpyulttyq sıpatqa ıe bola bastaǵanyn aıtty.
«Reformany júzege asyrý barysyn elge udaıy túsindirip otyrýymyz kerek. Qazirdiń ózinde jańǵyrý úderisi birtindep jalpyulttyq sıpatqa ıe bola bastady. Shyn máninde, jańǵyrýdyń áserin árbir azamatymyz sezinýi qajet. Eldegi ózgeriske árkim óz isindeı qarasa, shyn máninde, jańarý jolyna túsemiz. Muny elimizdiń árbir azamaty tereń túsingeni jón», dedi Prezıdent.