Úndistan men Bangladeshtiń ártúrli aımaqtarynda jaýǵan nóser saldarynan týyndaǵan sý tasqyny men kóshkinnen 13 adam qaza tapty, dep habarlaıdy Egemen.kz.
Keıingi bir táýliktiń ózinde Úndistannyń soltústik-shyǵysyndaǵy Assam shtatynda sel saldarynan 9 adam qaza tapqan.
Jergilikti bıliktiń aıtýynsha, bes kúnde sý tasqyny men kóshkinniń saldarynan 1,8 mıllıonnan astam adam zardap shekken. Taǵy 108 myńnan astam adam qaýipsiz aımaqtarǵa kóshirilgen.
Bangladeshtiń ońtústigindegi Chattogram aımaǵynda 17 maýsym kúni bastalǵan jańbyr áli tolastamaı tur. Bul mekende kóshkin saldarynan 4 adam qaza taýyp, kóptegen turǵyndar zardap shekti.