Narıman Tabynbaev ortalyq qalalyq klınıkalyq aýrýhananyń bas dárigeri laýazymyna aýysýyna baılanysty Almaty qalasy densaýlyq saqtaý basqarmasynyń basshysy qyzmetinen bosatyldy, dep habarlaıdy Egemen.kz.
Narıman Tabynbaev Almaty qalasynyń qoǵamdyq densaýlyq saqtaý basqarmasyn 2020 jyldyń jeltoqsan aıynan bastap basqaryp kelgen.
Ol 1961 jyly 23 aqpanda týǵan. Almaty Memlekettik medısına ınstıtýtyn, Qazaq ınjenerlik-tehnıkalyq akademııany támamdaǵan. Professor, medısına ǵylymdarynyń doktory.
О́z eńbek jolyn 1985 jyly Qyzylorda oblysynyń ortalyq aýdandyq aýrýhanasynda balalar hırýrgi bolyp bastaǵan.
1988-1994 jyldary endoskopııa bóliminiń meńgerýshisi, Qyzylorda qalasyndaǵy oblystyq aýrýhana bas dárigeriniń dıagnostıkalyq ortalyǵy boıynsha orynbasary bolyp jumys istegen.
1994-1997 jyldary Almaty oblysynyń ortalyq aýdandyq aýrýhanasy bas dárigeriniń emdeý jumysy jónindegi orynbasary bolǵan.
1997-2002 jyldary Ýrologııa ǵylymı ortalyǵynda ǵylymı qyzmetker, aǵa ǵylymı qyzmetker, bólim meńgerýshisi, bas dáriger bolyp qyzmet atqarǵan.
2008-2014 jyldary Qyzylorda qalasyndaǵy oblystyq medısınalyq ortalyqtyń dırektory, Ýrologııa ǵylymı ortalyǵynyń dırektory qyzmetterin atqardy.
2014-2015 jyldary Nur-Sultan qalasyndaǵy «Ulttyq medısınalyq holdıng» AQ basqarma tóraǵasynyń orynbasary boldy.
2015-2018 jyldary astanadaǵy Ulttyq ǵylymı onkologııa jáne transplantologııa ortalyǵynyń dırektory bolyp jumys istedi.
2019-2020 jyldary Fox Chase Cancer Center (Philadelphia, AQSh), University of Minnesota (Minneapolis, AQSh) taǵylymdamadan ótken.
2018-2020 jyldary qalalyq qoǵamdyq densaýlyq saqtaý basqarmasy «Ortalyq qalalyq klınıkalyq aýrýhanasy» ShJQ MKK dırektory qyzmetin atqardy.