«Qazgıdromet» sınoptıkteri búgin elimizde qalyptasatyn aýa sapasyna boljam jarııalady, dep habarlaıdy Egemen.kz.
Búgin Almaty jáne Shymkent megapolısterinde qolaısyz meteorologııalyq jaǵdaı kútiledi. Basqa qalalarda atmosferalyq aýa sapasy norma sheginde bolady.
Aıta ketsek, Almatyda jaǵymsyz meteoahýal birneshe kúnnen beri baıqalyp otyr.
Qolaısyz meteorologııalyq jaǵdaılar – atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń jıyntyǵy. Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaıdy.