Atyraý oblysy boıynsha memlekettik kirister departamentiniń málimetinshe, óńirde 900 myń teńgeniń aksızdeletin ónimderi zańsyz satylymǵa shyǵarylǵan, dep habarlaıdy Egemen.kz.
Atyraý qalasy boıynsha memlekettik kirister basqarmasy maýsym aıynda aksızdeletin ónimderdiń zańsyz aınalymyn anyqtaý jáne jolyn kesý boıynsha reıd júrgizdi.
Nátıjesinde 3 jeke tulǵa boıynsha mynadaı zańbuzýshylyqtar anyqtaldy: 1520 bótelke alkogol ónimderin zańsyz jolmen satý (quny 418 myń teńge); 2000 lıtr dızel otynyn zańsyz jolmen satý (quny 320 myń teńge); 260 qorap Bond jáne LM temeki ónimderin zańsyz jolmen satý faktileri (baǵasy 154,6 myń teńge).
Is materıaldary Atyraý qalasynyń ákimshilik isterge mamandandyrylǵan sotyna joldandy. Aldaǵy ýaqytta kóleńkeli ekonomıkanyń aldyn alý maqsatynda aksızdeletin ónimderdiń zańsyz aınalymyn anyqtaý jáne jolyn kesý sharalary jalǵasady.
Aıana Toǵanbek