Májilis depýtattary Igor Panchenko, Irına Ýnjakova jáne Zarına Kamasova oblys ortalyǵyndaǵy «О́skemen sý arnasy» kásipornynyń jumysshylarymen kezdesip, referendýmnan keıingi atqarylyp jatqan jumystardy túsindirdi, kásiporyndaǵy máselelerge qulaq túrdi.
Birinshi bolyp sóz alǵan depýtat Irına Ýnjakovanyń aıtqandaı, pandemııa men qańtar qasireti Qazaqstanǵa kóp ózgeris ákeldi. Buryn-sońdy baıqalmaǵan problemalar ashylyp qalyp jatty. Máselen, pandemııadan keıin bıologııalyq qaýipsizdik týraly zańǵa ózgerister engizildi.
– Qańtar qasireti qoǵam qaýipsizdigin de qaıta qaraýǵa mindettep otyr. Tártip saqshylarynyń búlikti uıymdastyrýshylar retinde tanylýy, el tynyshtyǵyn kúzetýge arnalǵan qarý-jaraqtyń memlekettik tóńkeris jasaý úshin qoldanylýy qaýipsizdik salasynda úlken máseleler bar ekenin bildiredi. Aıtar bolsaq, oq-dári qoımalarynan 3 jarym myńdaı qarý qoldy boldy. О́kinishtisi, qaqtyǵys saldarynan jazyqsyz adamdar oqqa ushty. Tipti balalar da qaza tapty, – dedi Irına Ýnjakova.
Mine, osyndaı olqylyqtardyń ornyn toltyrý úshin depýtattar quqyq qorǵaý júıesindegi zańnamalardy, qarýdy saqtaý talaptaryn kúsheıtip otyr. Sonymen qatar qańtar oqıǵasy shaǵyn jáne orta bızneske, óndiris salasyna da zııanyn tıgizgenin aıtyp, memleket tarapynan zardap shekkenderge ótemaqy tólengenin aıtty. Ulttyq qor qarjysyn paıdalaný jóninde de sóz boldy.
– Elimizde 1 barrel munaıdyń ózindik quny 50 AQSh dollaryna deıin jetedi. Álemdik naryqta 100 dollarǵa satylady. Iаǵnı taza paıda – tek 50 dollar. Al Birikken Arab ámirlikterinde qara altynnyń ózindik baǵasy 8 dollar, taza paıda – 92 dollar. Onyń ústine elimizde munaı óńdeý zaýyttary az, barlary Reseı munaıyn ǵana óńdeıdi. Osyndaı aýyr jolmen jınaqtaǵan qordy jaı ǵana taratyp bergennen utarymyz az. Qazir koronavırýs ınfeksııasy qaıta kóbeıe bastady. Sondyqtan qordaǵy qarjyny tıimdi paıdalanǵanymyz durys, – dep túsindirdi Irına Ýnjakova.
Iá, kezdesý bolǵan soń sýyrylyp shyǵyp, suraq qoıýshylar da boldy. Olardyń kótergen máseleleri – zeınetaqy jasyn qysqartý, qymbatshylyqqa toqtaý salý, jalaqyny kóterý. Depýtattar zeınetaqy máselesi májiliste qaralyp jatqandyǵyn aıtty. Al azyq-túlik baǵasyna tusaý bola almaımyz degendeı pikir bildirdi.
Jıyn sońynda depýtattar halyqtyń usynys-tilekterin Úkimetke jetkizetinderin aıtty.
Shyǵys Qazaqstan oblysy