Krasnodar óńirlik soty Kaspıı qubyr konsorsıýmy jumysyn toqtata turý jónindegi sheshimdi ózgertip, aıyppulǵa almastyrdy. Konsorsıýmǵa 200 myń rýbl aıyppul tóleý mindetteldi, dep habarlaıdy Egemen.kz.
«200 myń rýbl aıyppul tóleýge ózgertilip, sheshimniń qalǵan bóligi ózgerissiz qaldyrylsyn», dedi Krasnodar óńirlik sotynyń sýdıasy.
Eske salsaq, Novorossııskiniń Prımorsk aýdandyq soty qujattyq zań buzýshylyqtar úshin «KTK-R» kompanııasynyń qyzmetin 30 táýlikke toqtatqan bolatyn.
QR Premer-Mınıstri Álıhan Smaıylov Kaspıı qubyr konsorsıýmy qyzmetiniń ýaqytsha toqtap qalýyna baılanysty jedel keńes ótkizdi.
Prezıdent Qasym-Jomart Toqaev munaı tasymaldaýda Transkaspıı baǵdaryn damytýdy tapsyrdy.
Keıin QR Energetıka mınıstrliginen Qazaqstan munaıy Kaspıı qubyr konsorsıýmynyń qubyr jelisi arqyly shtattyq rejımde eksporttalyp jatqanyn málim etti.