Bul týraly QR Ekologııa, geologııa jáne tabıǵı resýrstar mınıstrligi Sý resýrstary komıteti tóraǵasynyń orynbasary Dosbol Bekmaǵambetov aıtty, dep jazady Egemen.kz.
«Agroónerkásiptik keshendi damytý jónindegi ulttyq jobada 2025 jylǵa qaraı sý únemdeý tehnologııalaryn qoldanatyn jer kólemin 265-ten 450 myń gektarǵa deıin ulǵaıtý kózdelgen. О́nerkásipte aınalymdaǵy nemese qaıta sýmen jabdyqtaý kóleminiń ulǵaıýy arqyly taza sý alý kólemi 1,3 tekshe kılometrge qysqartylady», dedi Dosbol Bekmaǵambetov Ortalyq kommýnıkasııalar qyzmetinde ótken jıynda.
Memleket basshysynyń bıylǵy 8 aqpandaǵy keńeıtilgen Úkimet otyrysyndaǵy tapsyrmasyna sáıkes, jańa Sý kodeksi ázirlenýde.
«Jańa Sý kodeksin qabyldaý eldiń sý-resýrstyq áleýetin saqtaý, sý únemdeýge arnalǵan kondyrǵylardy paıdalanýǵa yntalandyrý, sý resýrstary men sýǵa suranysty basqarýdaǵy qoǵamnyń rólin arttyrý men salany ǵylymı qoldaý úshin negiz bolady. Qazirgi ýaqytta jańa Sý kodeksiniń Tujyrymdamasy jáne ilespe zań jobasy ázirlendi, onyń taraýlary men baptary jazylyp jatyr. Kodeks jobasy bekitilgen merzimde Parlament Májilisine engiziledi», dedi spıker.