Álgi amerıkalyq mýltfılmderde kórsetetin túıequs esińizde shyǵar. Kópshilik aıtatynyndaı, qumǵa basyn tyǵyp turyp alatyn she? О́zi esersoqtaý kórinetin anımasııalyq fılmderdiń osy bir keıipkerin kórse bala bitken ishek-silesi qatqansha kúledi. Túıedeı bolǵan qustyń basyn qumǵa suǵyp jiberip, tyǵylǵan keıip tanytqany kúlki shaqyrmaı turmaıdy endi. Mine, sondaı túıequs Qyzylordanyń Qazaly aýdanynda bar eken. Ol qaıdan kelgen, neǵyp júrgen qus? Bizdiń aımaqqa qalaı jersingen?
Qazalylyq Baýyrjan Serimbetov degen azamat osy tuqymdas túıequsty alý úshin bir jyl kezekte turypty. Sóıtip, 2011 jyly Almatydan alǵan tórt balapanyn elge ákeledi. Biraq onyń ekeýi jolda ólip qalady. Sýyq tıgen kórinedi. Bizdiń óńirde kóp kezdesetin túıetaýyqtyń balapandary da bastapqyda durystap qaramasań, óz aıaǵyna ózi shalynyp, moıyny qaıyrylyp qala beredi. Sýyqqa tózimsiz. Sol sııaqty, myna túıequstyń balapany da alǵashqy kezde álsiz bolǵan-aý shamasy. Al ekeýi aman-saý Qazalyǵa jetedi. Solaısha, bir qoraz ben bir mekıen balapandy asyraı bastaıdy. Biraq qoraz balapan da uzaq turaqtamaıdy. Ol da ólip qalypty. Búginde Baýyrjan Serimbetovtyń qorasynda tórt balapannan qalǵan jalǵyz túıequs ómir súrip jatyr. О́zi nán. Boıy 3 metrden asady. Jaryqtyq, kúnine 1 santımetr ósedi eken. Al salmaǵy 70 kılo kórinedi. Túıequs dese, degendeı-aq. Negizinen jońyshqa men dándi daqyldardy qorek etedi. Deı turǵanmen, dene turpaty dáý bolǵandyqtan shyǵar, asa tamaq talǵamaıtynǵa uqsaıdy.
Baýkeń ózi asyltuqymdy jan-janýarlardy asyrap, jersindirýmen aınalysady. Qorasynda Aqmeshit atyrabyna belgili arǵymaqtary da bar. Muny maqtan úshin emes, ózindik hobbıi sanaıdy. Túıequsty da sondaı qyzyǵýshylyqtyń arqasynda asyrap, jersindirip otyr. Al olardy kútip-baǵý men baptaýdy ǵalamtor arqyly meńgergen. Túrli jan-janýar asyraıtyn Serimbetov úıinde ıt ustamaıdy eken. «Úıge ıttiń qajeti joq. Túıequstyń ózi aýlaǵa bóten adamdardy kirgizbeıdi»,– deıdi kúlip. Desek te, túıequsyńyz áıel adamdarǵa tıispeıtin bolyp shyqty. Biraq tanymaıtyn er adamdar kelse, tyrqyratyp qýyp kep beredi eken.
Erjan BAITILES,
«Egemen Qazaqstan».
Qyzylorda oblysy.