ASTANA. 30 sáýir. Birtutas ekonomıkalyq keńistik jónindegi kelisimge 29 mamyrda Astanada qol qoıylady. Bul týraly IA SakhaNews habarlady.
«Birtutas ekonomıkalyq keńistik jónindegi kelisimge 29 mamyrda Astanada qol qoıylady. Onyń jobasy jónindegi barlyq kózqaras alshaqtyqtary retteldi», - dedi Eýrazııalyq ekonomıkalyq komıssııa alqasynyń tóraǵasy Vıktor Hrıstenko Mınskide ótken Joǵary Eýrazııalyq ekonomıkalyq keńestiń memleket basshylary deńgeıindegi otyrysy qorytyndysynan keıin.
«Joba boıynsha barlyq kózqarastar alshaqtyqtary retteldi, - dep habarlady Hrıstenko. – Endi áli talqylanatyn ekijaqty kelisim máseleleri qalyp tur».
Bul áńgimege Hrıstenko «Joǵary Eýrazııalyq ekoknomıkalyq keńestiń 29 mamyrda Astanada ótetin otyrysyna deıin qol qoıýǵa daıyn bolýy úshin» jaqyn arada barlyq búge-shigesi boıynsha jumys jasaýdy mamyrdyń sońyna aıaqtaý kerektigi tapsyrylǵanyn qosty.
Vıktor Hrıstenkonyń aıtýyna qaraǵanda, munaı, munaı ónimderi men gaz 2025 jyldan qalmaı tabys tabatyn bolýlary kerek. Mundaı sheshim Joǵary Eýrazııalyq ekonomıkalyq keńesiniń memleketter basshylary deńgeıindegi otyrysynda qabyldandy. Al 2014 jyldyń 1 maýsymyna deıin Armenııany Eýrazııalyq ekonomıkalyq keńistikke qabyldaý jobasyn daıyndaý tapsyryldy.
Sáken Maılybaı.
Derekkóz: IA SakhaNews.
Foto: ITAR-TASS/Mıhaıl Metsel.