Búgin elimizdiń basym bóliginde qolaıly meteorologııalyq jaǵdaı saqtalady, dep habarlaıdy Egemen.kz «Qazgıdromet» RMK-ǵa silteme jasap.
Sınoptıkterdiń boljamynsha, seısenbi kúni barlyq derlik óńirde atmosferalyq aýa sapasy birqalypty bolady.
Tek Almaty, Petropavl, Qaraǵandy, Balqash, Temirtaý jáne Jezqazǵan qalalarynda qolaısyz meteorologııalyq jaǵdaılar kútiledi.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń, atap aıtqanda tymyq aýa raıy, jeńil jel, tuman, ınversııa jıyntyǵy.