Eger 2022 jylǵy 15 qyrkúıekke deıingi merzimde salyq tóleýshiler baqylaý-kassa mashınalarynyń baǵdarlamasyn jańartpasa, fıskaldyq derekter operatorlary ondaı baqylaý-kassa mashınalaryna tehnıkalyq qoldaý kórsetpeıdi. Bul týraly Qarjy mınıstrliginiń Memlekettik kirister komıteti habarlady.
2022 jyly derekterdi tirkeý jáne (nemese) berý fýnksııasy bar baqylaý-kassa mashınalaryn qoldaný tártibine (Salyq kodeksiniń 166-babyna) ózgerister men tolyqtyrýlar engizilgen.
Osyǵan baılanysty, «Baqylaý-kassa mashınalaryn qoldaný máseleleri boıynsha» jumys toby sheńberinde baqylaý-kassa mashınalarynyń ázirleýshilerimen jáne fıskaldyq derekter operatorlarymen birlesip, baqylaý-kassa mashınalarymen aqshalaı esep aıyrysýlar týraly málimetterdi berý boıynsha operatordyń serverine derekterdi berýdiń biryńǵaı Hattamasy jańartyldy jáne bekitildi.
Osy negizde modelderi baqylaý-kassa mashınalarynyń memlekettik tizilimine engizilgen, derekterdi tirkeý jáne (nemese) berý fýnksııasy bar baqylaý-kassa mashınalaryn qoldanatyn barlyq kásipkerlerge 2022 jylǵy 15 qyrkúıekke deıingi merzimde ózderiniń jumys istep turǵan baqylaý-kassa mashınalaryn qaıta baǵdarlamalaý qajet.
Nazar aýdaratyn dúnıe, 15 qyrkúıekten bastap 2.0.2-ten basqa Hattamalarǵa fıskaldyq derekter operatorlary qoldaý kórsetpeıdi. Osyǵan baılanysty barlyǵyna baqylaý-kassa mashınalaryn 2.0.2 hattama nusqasyna deıin aldyn ala jańartýǵa keńes beremiz, deıdi atalǵan komıtet ókilderi.
Salyq kodeksiniń 171-babyna sáıkes taýarlardy ótkizý, jumystardy oryndaý, qyzmetterdi kórsetý kezinde júzege asyrylatyn aqshalaı esep aıyrysýlar týraly derekterdi tirkeý jáne (nemese) berý fýnksııasy bar baqylaý-kassa mashınalarynyń málimetterin qabyldaý, saqtaý boıynsha qyzmetter kórsetýdi, sondaı-aq olardy salyq organdaryna berýdi fıskaldyq derekter operatory júrgizedi.
«Baqylaý-kassa mashınalaryn qoldanýdyń keıbir máseleleri týraly» Qarjy mınıstriniń buıryǵyna sáıkes baqylaý-kassa mashınalary fıskaldyq derekter operatorynyń serverine memlekettik kirister organdaryna aqshalaı esep aıyrysýlar týraly málimetterdi berýdi qamtamasyz etetin tehnıkalyq talaptarǵa jáne sáıkestik nysanyna, baqylaý-kassa mashınalarynyń tehnıkalyq talaptaryna sáıkes aqshalaı esep aıyrysýlar týraly málimetterdi beredi.