Prezıdent Qasym-Jomart Toqaev Ortalyq Azııa memleketteri basshylarynyń 21 shildede ótetin IV Konsýltatıvtik kezdesýine qatysý úshin Qyrǵyzstannyń Sholpan-Ata qalasyna bardy, dep habarlaıdy Egemen.kz Aqordanyń resmı saıtyna silteme jasap.
Memleket basshysyn áýejaıdan Qyrǵyz Respýblıkasy Mınıstrler Kabınetiniń tóraǵasy – Prezıdent Ákimshiliginiń basshysy Aqylbek Japarov, Qyrǵyz Respýblıkasy Transport mınıstri Erkınbek Osoev, Qyrǵyz Respýblıkasy Syrtqy ister mınıstriniń birinshi orynbasary Nýran Nııazalıev qarsy aldy.
Jıynda Qazaqstan, Qyrǵyzstan, Tájikstan, Túrikmenstan, О́zbekstan kóshbasshylary álemdegi qazirgi geosaıası jáne ekonomıkalyq ahýalǵa baılanysty óńirlik ıntegrasııanyń perspektıvalaryn qarastyrmaq.
Sammıt qorytyndysy boıynsha birneshe qujatqa qol qoıylady dep josparlanǵan.