Qazaqstanda taǵy bir merekelik kún paıda bolady QR IIDM Qazaqstan Respýblıkasyndaǵy merekelik kúnder tizimine tolyqtyrýlar daıyndady, dep habarlaıdy Egemen.kz.
Sonymen, merekelik kúnder tiziminde jańa kásibı mereke paıda bolady: 16 sáýir - turǵyn úı-kommýnaldyq sharýashylyq qyzmetkerleri kúni.
Túsindirme jazbada aıtylǵandaı, turǵyn úı-kommýnaldyq sharýashylyq (TKSh) salasynyń qyzmetkerleri táýlik boıy el halqyn jylýmen, elektr energııasymen, sýmen qamtamasyz etedi, kóshelerdiń tazalyǵyn qadaǵalaıdy, sondaı-aq eldiń turǵyn úı qoryn basqarady, osylaısha azamattardyń qolaıly jáne jaıly ómir súrýine jaǵdaı jasaıdy.
TKSh qyzmetkerleri kúni KSRO-da 1966 jyldan bastap shildeniń tórtinshi jeksenbisinde atalyp ótti jáne TMD-nyń kóptegen elderinde, sonyń ishinde Reseı, Belarýs, Ýkraına, О́zbekstanda saqtaldy.
IIDM habarlaǵandaı, bul merekeni engizý atalǵan salaǵa joǵary bilikti jas mamandar men ınjenerlerdiń kelýine, sondaı-aq TKSh qyzmetkerleri kásibiniń bedelin arttyrýǵa yqpal etedi.
Qaýly jobasy 2 tamyzǵa deıin Ashyq NQA saıtynda ornalastyrylǵan.