Nur-Sultan qalasynyń sanıtarııa dárigeri Sarhat Beısenova qalanyń «sary» aımaqqa ótýine baılanysty shekteý sharalaryn engizý týraly qaýlyǵa qol qoıdy, dep habarlaıdy Egemen.kz.
Bas shaharda myna sharalardy saqtaý usynady:
Adamdar kóp jınalatyn oryndarǵa (avtovokzaldar, saýda-oıyn-saýyq ortalyqtary, saýda úıleri, jabyq bazarlar, konsert zaldary, teatrlar, kınoteatrlar, halyqqa qyzmet kórsetý ortalyqtary (HQKO), bankter, stadıondar jáne basqa da sporttyq qurylymdary jáne t. b.), uıymdasqan ujymdarǵa barǵan kezde, sondaı-aq qalalyq qoǵamdyq kólikte jol júrgen kezde betperde taǵý, 5 jasqa deıingi balalardy jáne tamaqtaný kezin qospaǵanda;
qatysýshylar sany 10 adamnan asatyn keńester (otyrystar) ótkizýdi qashyqtyqtan ótkizý túrine kóshirý.
Nur-Sultan qalasynyń ákimdigi, Nur-Sultan qalasynyń kásipkerler palatasy, memlekettik organdar, quqyq qorǵaý jáne arnaıy organdar, kásiporyndardyń, uıymdardyń basshylary, kásipkerlik sýbektileri qamtamasyz etsin:
qoǵamdyq oryndarda betperde taǵý jónindegi usynymdardy saqtaýdy jáne qoldy óńdeýge antıseptıkterdi qoldanýdy;
júkti áıelderdi, COVID-19 vaksınasııasyna absolıýtti qarsy kórsetilimderi bar qyzmetkerlerdi jáne COVID-19 naýqaspen baılanysta bolǵan adamdardy (dıstansııalyq formatta mindetterin oryndaý múmkin emes qyzmetkerlerdi qospaǵanda) qashyqtyqtan jumys isteý formatyna kóshýdi;
turǵyndar arasynda koronavırýstyq ınfeksııaǵa qarsy ýaqtyly vaksınasııa jáne revaksınasııa boıynsha aqparattyq-túsindirý jumystaryn júrgizý;
bilim berý uıymdarynda toptar men synyptardy biriktirip is-sharalar ótkizýdi boldyrmaý (toptarda is-sharalar ótkizýge ruqsat etilgen);
damdar kóp jınalatyn obektilerde, onyń ishinde qoǵamdyq kólikte dezınfeksııalaý is-sharalaryn júrgizý, jeldetý jáne aýany baptaý júıeleriniń úzdiksiz jumys isteýi jáne jeldetý rejımin saqtaý jónindegi jumystardy uıymdastyrýdy.
Qaýlynyń tolyq mátini Nur-Sultan qalasy ákimdiginiń saıtynda jarııalanǵan.
Qaýly 23 shildede kúshine enedi.