Shyǵys Qazaqstan oblysy Ulan aýdanyndaǵy Buqtyrma sý qoımasynda 24 adamnyń ómirin saqtap qalǵan tórt azamat marapattaldy, dep habarlaıdy Egemen.kz.
ShQO TJD baspasóz qyzmetiniń málimetine súıensek, syn saǵatta batyl áreket etken Asqar Saılaýbaev, Dáýlet Saılaýbekov, Damır Muhamadıev pen Sultan Taıjanov marapatqa ıe boldy. Olarǵa Tótenshe jaǵdaılar mınıstriniń buıryǵymen «Sýǵa batqandardy qutqarǵany úshin» medali jáne Shyǵys Qazaqstan oblysynyń ákimi Danıal Ahmetovtyń Qurmet gramotasy berildi.
Oqıǵa 17 shildede saǵat 19:00 shamasynda Ulan aýdanyndaǵy Buqtyrma sý qoımasynyń boıyndaǵy «Aıýda» demalys bazasynan úsh shaqyrym jerde bolǵan. Jolaýshylar tasymaldaıtyn keme qatty jeldiń saldarynan sýǵa bata bastaǵan. Keme «Sadko» demalys bazasynan «Aıýda» bazasyna qaraı bet alyp bara jatqan. Sol kezde skýtermen kele jatqan 4 jigit kemeni baıqap, kómekke umtylǵan.
Oblystyq Tótenshe jaǵdaılar departamentiniń bastyǵy Erlan Nurpeıisov er azamattarǵa marapattardy tabys etti.
«Jaǵdaıdy baǵalaýǵa ýaqyt bolmaǵan osyndaı qıyn sátte sizder durys ári jedel áreket ettińizder. Osylaısha, batyldyq pen batyrlyq kórsettińizder. Sonyń arqasynda kóptegen adam qutqaryldy», dedi E.Nurpeıisov.