27 shilde kúni Atyraý munaı óńdeý zaýytynda bolǵan jaǵdaı osy aıdaǵy munaı tasymaly kestesine áser etken joq. Qazirgi ýaqytta Kaspıı qubyr konsorsıýmy teńiz termınalynda munaı jóneltý jumysyn qalypty rejımde júzege asyryp jatyr, dep habarlaıdy Egemen.kz.
«Aýa raıynyń qolaısyzdyǵyna (jańbyr, naızaǵaı, daýyl jel) baılanysty jáne 220 kV áýe elektr berý jelileriniń (VL) birneshe tireginiń qulaýy saldarynan respýblıka aýmaǵyndaǵy «KQK-K» AQ obektileri: «Qurmanǵazy» jáne «Isataı» munaı aıdaý stansııalary elektr jelisinen ajyratyldy», delingen habarlamada.
27 shildesindegi oqıǵa osy aıdaǵy jetkizý kestesine áser etken joq.
«Qazirgi ýaqytta KQK teńiz termınalynda munaı jóneltý qalypty rejımde júzege asyrylyp jatyr. Stansalardyń negizgi jabdyǵy rezervtik kózderden qýat alyp jatyr, nysandarda tótenshe jaǵdaı qaýpi joq. Sonymen qatar, qalyptasqan jaǵdaıda sorǵy jabdyqtaryn iske qosý tehnologııalyq sebeppen múmkin emes. Qazirgi ýaqytta «KTK-K» AQ jóndeý brıgadalary men Qazaqstan Respýblıkasynyń tıisti qyzmetteri tehnologııalyq aqaýdy jóndep jatyr», delingen habarlamada.
Stansalardyń qalypty jumys rejımine oralýy týraly aqparat qosymsha habarlanady.