Eki aılyq úzilisten keıin «Baıqońyr» ǵarysh aılaǵynan kezekti ushyrý 2022 jyldyń 9 tamyzyna josparlanǵan, dep habarlaıdy Egemen.kz.
Budan buryn Baıqońyrdan «Soıýz MS-20» kóliktik júk kemesi Halyqaralyq ǵarysh stansııasyna ushyrylǵan edi.
Qazaqstandyq tarappen bekitilgen kestege sáıkes, 2022 jylǵy 9 tamyzda «Baıqońyr» ǵarysh aılaǵynyń №31 alańynan «Soıýz 2.1a» zymyran tasyǵyshy ushyrylady, ol orbıtaǵa spýtnıkter shoǵyryn shyǵarady.
Biraq 2022 jyldyń qyrkúıek aıynyń birinshi onkúndigine josparlanǵan «Angosat-2» baılanys spýtnıgimen «Proton-M» zymyran-tasyǵyshynyń «Baıqońyr» ǵarysh aılaǵynan bıylǵy alǵashqy ushyrylymy keıinge shegerildi. Al «Soıýz MS-22» ǵarysh kemesi HǴS-qa 2022 jyldyń 21 qyrkúıeginde kelesi ekspedısııamen ushyrylady.
Ekıpaj quramynda reseılik ǵaryshkerler Sergeı Prokopev pen Dmıtrıı Petelın, sondaı-aq HǴS kross-ushý baǵdarlamasy boıynsha ushatyn amerıkalyq astronavt Fransısko Rýbıo bar.