QR Memlekettik keńesshisi Erlan Qarın Telegram kanalynda ákimderdi tikeleı saılaý baǵytyndaǵy reformanyń qalaı iske asyp jatqanyn jazdy, dep habarlaıdy Egemen.kz.
«Bir jyl buryn Qazaqstanda aýyl ákimderin tikeleı saılaý mehanızmi iske qosylǵan bolatyn. О́tken jyly shilde aıynan beri 1093 eldi mekenniń ákimi saılandy. Onyń 215-i óz-ózin usynsa, 116-sy qaıta saılanǵan burynǵy ákimder», dep jazdy ol.
Aıtýynsha, bir jyldyń ishinde eldegi aýyl ákimderiniń korpýsy 55,6% jańarǵan.
«Bul 608 aýylǵa jańa basshy keldi degen sóz. Onyń basym bóligi buryn memlekettik qyzmette istep kórmegen. Iаǵnı, dárigerler, muǵalimder, bıznesmender, jergilikti kásiporyn men sharýa qojalyq basshylary halyq senimine ıe bolyp, ákim retinde saılanyp otyr. Bárinen de Mańǵystaý oblysynda jańa ákimder kóp saılandy – 77,8%. (saılanǵan 18 ákimniń 14-i), Odan keıin Qaraǵandy oblysynda – 77,2% (79-dyń 61-i) jáne Jambyl oblysynda – 71% (72-niń 51-i) jańa ákimder kóp saılanǵan», dedi Erlan Qarın.
Jazbada aýdan ákimderiniń saılaýy týraly da aıtylǵan.
«Osy jeksenbi kúni, 31 shildede 27 aýyldyq okrýgte aýyl ákimderiniń saılaýy ótedi. Al jyl aıaǵyna deıin 214 aýyldyń basshysy tikeleı saılaý arqyly qyzmetine kirisýi kerek. 2023 jáne 2024 jyldarǵa 1037 aýyldyq okrýgte ákim saılaýy josparlanǵan. Jaqyn arada aýdan ákimderiniń de tikeleı saılaýyn ótkizý josparlanyp otyr. Onymen qosa, jańa konstıtýsııalyq reforma boıynsha oblys ákimderi óńirlik máslıhat depýtattarynyń daýys berý qorytyndysy boıynsha taǵaıyndalady. Osylaısha, eldiń saıası júıesi birtindep transformasııalanyp keledi. Memlekettik basqarý salasyna demokratııanyń jańa quraldary engizilip jatyr», dep jazdy Memlekettik keńesshi.