QR Bas prokýrorynyń 2 tamyzdaǵy buıryǵymen aǵa ádilet keńesshisi Saǵıev Eldos Álıhanuly Bas prokýratýranyń Qylmystyq qýdalaý qyzmetiniń basshysy bolyp taǵaıyndaldy, dep habarlaıdy Egemen.kz.
QR Bas prokýratýrasy usynǵan málimetke súıensek, Saǵıev E.Á. eńbek jolyn 2002 jyly Aqmola oblysynyń prokýratýra organdarynda bastaǵan.
Tergeý jumysynda tájirıbesi mol. Qaraǵandy, Qostanaı oblystarynyń qarjy polısııasy organdarynda, sybaılas jemqorlyqqa qarsy qyzmetinde basshylyq laýazymdardy atqardy.
Mańǵystaý, Qostanaı oblystary boıynsha Sybaılas jemqorlyqqa qarsy is-qımyl Ulttyq bıýrosynyń departamentterin basqardy.
Osy qyzmetke taǵaıyndalǵanǵa deıin Bas prokýratýranyń Arnaıy prokýrorlar qyzmeti bastyǵynyń orynbasary boldy. Quqyq qorǵaý organdaryndaǵy eńbek ótili – 18 jyl.