Aqparat jáne qoǵamdyq damý mınıstrliginde Memleket basshysy bekitken «Táýelsizdik urpaqtary» grantyn taǵaıyndaý jónindegi konkýrstyń bastalǵany týraly habarlady. Olarǵa 14-29 jas aralyǵyndaǵy jastar úmitker bola alady, dep habarlaıdy Egemen.kz Nur-Sultan ákimdiginiń resmı saıtyna silteme jasap.
2022 jyly konkýrs sheńberinde 30 grant beriledi, olardyń árqaısysy 3 mıllıon teńgeden bolady.
Grantty taǵaıyndaýdyń maqsaty belsendi shyǵarmashyl jastar qaýymdastyǵyn qalyptastyrýǵa baǵyttalǵan jastardyń jańa jáne qoldanystaǵy bastamalaryn memlekettik qoldaý bolyp tabylady. Ony alýǵa konkýrstyq ótinimderdi qabyldaý aıaqtalǵan kezde jasy 14-ten kishi emes jáne jasy 29-dan úlken emes Qazaqstan azamattary úmitker bola alady.
Granttar QR azamattaryna kelesi baǵyttar boıynsha jańa ıdeıalar men bastamalardy iske asyrý úshin konkýrstyq negizde beriledi:
«Ǵylym» - ǵylymnyń basym sektorlarynda jańa ǵylymı jobalar men zertteýlerdi iske asyrý úshin;«Mádenıet» - Qazaqstannyń mádenı murasyn tanymal etýge, halyqtyq mádenı dástúrler men ónerdi ilgeriletýge baǵyttalǵan jobalardy iske asyrý úshin;«Aqparattyq tehnologııalar» - jańa IT-sheshimder men jobalardy, onyń ishinde bastaýshy startap-jobalardy iske asyrý jáne ázirleý úshin;«Bıznes» - ekonomıkanyń basym sektorlarynda jańa bıznes-ıdeıalardy iske asyrý úshin;«Medıa» - jańa medıa-jobalardy, onyń ishinde jastar úshin tanymdyq, paıdaly, qyzyqty kontentti qurý jónindegi jobalardy iske asyrý úshin.Úmitkerlerdiń konkýrstyq ótinimderi (qaǵaz nusqada) bıyl 14 tamyzǵa deıin myna mekenjaı boıynsha qabyldanady: Nur-Sultan qalasy, Máńgilik el dańǵyly 8, Mınıstrlikter úıi Ákimshilik ǵımaraty (14-kireberis); baılanys telefondary: 8(7172)74-12-78, 8(702-000-88-12).
Elektrondyq nusqany poshta arqyly generation.kaz@gmail.com jiberý kerek .
Konkýrstyq ótinimder memlekettik jáne (nemese) orys tilderinde qabyldanady jáne:- jobanyń sıpattamasy;- jobanyń beıne-prezentasııasy (60 sekýndtan artyq emes);- shyǵyndar smetasynyń jobasy;- zııatkerlik menshik týraly málimetter (bar bolsa).