Shyǵys Qazaqstanǵa erkin kúresten U-17 álem chempıonatynyń jeńimpazy Daryn Áskerbek keldi. Áýejaıda ony týystary men dostary qarsy aldy.
Balýan 2005 jyly Shyǵys qazaqstan oblysy, Tarbaǵataı aýdany, Aqjar aýylynda dúnıege kelgen.
– Daryn bul sport túrimen 7 jyl boıy aınalysyp keledi. Osy jyldar ishinde ol elimizdiń bes dúrkin chempıony atandy. 2018, 2019 jáne 2022 jyldary Álem, Azııa chempıonattarynda júldeli ekinshi oryndardy ıelengen. Ulymdy maqtan tutamyn, – dedi balýannyń anasy Gúlmıra Ahmetkarımova.
Osy oraıda balýan da halqyna, ata-anasyna alǵysyn aıtty.
– Meni qarsy alǵan ata-anama, jaqyndaryma jáne dostaryma rahmet aıtqym keledi. Bul sporttaǵy tek bastamam ǵana. Áli de bıik shyńdardy baǵyndyramyn, – dedi Daryn Áskerbek.
Shyǵys Qazaqstan oblysy