Almaty oblysynda Ulttyq ulannyń merzimdi áskerı qyzmetshisi qaza tapqan jerden sýretter men vıdeo jarııalandy, dep habarlaıdy Egemen.kz Ulttyq ulannyń baspasóz qyzmetine silteme jasap.
Ulttyq ulannyń «Ońtústik» óńirlik qolbasshylyǵy baspasóz qyzmeti málimetinshe, 9 tamyzda saǵat 20.55 shamasynda qatty jel soǵyp, daýyl turǵan. Nátıjesinde shatyrlar qıraǵan.
Baspasóz qyzmeti daýyl kezindegi kadrlardy usyndy.
Eske salaıyq, Almaty oblysynda Qazaqstan Respýblıkasy Ulttyq ulany 5571 áskerı bóliminiń merzimdi qyzmettegi áskerı qyzmetshisi qaza bolǵany habarlanǵan bolatyn.
Aıta keteıik, 9 tamyzda qatty daýyl kóterilip, jel saldarynan sarbazdar ornalasqan shatyr qalashyǵy búline bastaǵan. Qatardaǵy A.N. Shahımov áriptesteriniń qaýipsiz orynǵa shyǵýyna kómektesip júrip, basyna shatyrdyń temir jaqtaýy tıip jaraqat alǵan. Ol aýrýhanaǵa jetkizilgende qaza boldy.