Saperler Bishkektegi saýda ortalyǵynyń aýmaǵyn tekserý kezinde turaqqa qoıylǵan avtokólikten jarylǵysh zat tapty, dep habarlaıdy Egemen.kz.
Bishkektegi «Azııa moll» saýda ortalyǵyn tekserý kezinde saperler granata tapty.
Buǵan deıin respýblıkanyń ishki ister mınıstrligi jarylǵysh zat týraly jasyryn habarlama alǵan edi. Osyǵan baılanysty saýda ortalyǵynyń qyzmetkerleri men kelýshileri evakýasııalanǵan.
Nátıjesinde, granata saýda ortalyǵynyń ǵımaratyndaǵy turaqta turǵan kóliktiń astynan tabylǵan. Aldyn ala aqparat boıynsha, avtokólik jergilikti kásipkerlerdiń birine tıesili.
«Azııa moll»-ǵa jarylǵysh zat qoıylǵany týraly jasyryn sıgnal mılısııanyń kezekshi bólimine 11 tamyzda kelip tústi. Oqıǵa ornyna saperler men jedel-tergeý toptary jiberildi.
Saýda ortalyǵynyń aınalasyndaǵy aýmaq qorshaldy.