О́skemende iz-túzsiz joǵalyp ketken bala tabyldy, dep habarlaıdy Egemen.kz.
«Izdestirý sharalary barysynda 12 jastaǵy bala TMK kópiriniń mańyndaǵy shuńqyrdan tabyldy. Qazir oǵan medısınalyq kómek kórsetilip jatyr. Sodan keıin ol ata-anasymen júzdesedi», dedi ShQO Polısııa departamentiniń baspasóz qyzmetinen.
Eske sala ketsek, aýtızmge shaldyqqan Temirlan Ahmedjanov 14 tamyzda túngi saǵat 02:30 shamasynda úıden belgisiz baǵytta shyǵyp, qaıta oralmady. Ony izdeýge polısııa qyzmetkerleri, qutqarýshylar, kınologtar, QR Ulttyq ulany sarbazdary men volonterler jumyldyrylǵan edi.