Áskerı oıyndardaǵy alǵashqy jeńister

О́tken jeksenbide Qaraǵandy obly­syndaǵy «Spassk» oqý-jat­tyǵý polıgonynda ótip jat­qan «Taktıkalyq mergen» saıy­synda Qazaqstannyń áskerı qyz­­metshileri «Jaraly adamdy eva­kýa­sııalaý» kezeńinde úzdik nátı­je kórsetti. Ekinshi oryndy О́z­bekstan, úshinshi oryndy Qytaı ıe­lendi.

Budan bólek mergen jaýdyń úz­diksiz atqan oǵynyń astynda «ja­ýynger joldasyn» qaýipsiz jerge kóshirdi. Sonymen qatar ol birneshe atys pozısııalarynan nysanaǵa granatamen oq jaý­dyrdy.

Jaralanǵan jaýyngerdiń ornyna 80 kılodan (jaıaý áskerdiń tolyq qarý-jaraq, jabdyǵymen ortasha salmaǵy) asatyn birneshe aspaly aǵashty qosarlap ımıtasııa retinde paıdalandy.

– Bul jattyǵýdy oryndaý ar­­qy­ly qatysýshy atý dál­digi men tózimdiligin ǵana emes, sony­men qatar tótenshe jaǵ­daı­da áre­ket etý qabiletin de kór­se­týi kerek. Jattyǵý ba­ryn­­sha ja­ýyngerlik, taktı­kalyq jaǵ­daı­ǵa jaqyndatylǵan deń­geı­de ótki­zil­di, – dedi «Taktı­ka­lyq mergen» saıysynyń tóreshisi maıor Ǵalym Sadyqov.

Máskeý mańyndaǵy «Ala­bı­no» polıgonynda bizdiń tan­kıs­ter birinshi dıvızıonnyń jarysyn sátti aıaqtady. Jeke jarysta birinshi ekıpaj quramy – tank komandıri kapıtan Beksultan Aldabergen, kózdeýshi-ope­­­rator 3-synypty serjant Suńǵat Sádýaqasov jáne 3-synypty mehanık-júrgizýshi serjant Sultan Qutekeshov barlyq nysanaǵa dál soqqy berip, búkil ke­der­giden múltiksiz ótip, ýa­qyt boıynsha da úzdik nátıje kór­setti.

Saıystyń nátıjesinde bizdiń tankıster úsh atys shebi bar 12 shaqyrymdyq tas joldy 25 mınýt 8 sekýndta eńserdi. О́zbekstan – 25 mınýt 18 sekýndta, Vetnam – 34 mınýt 50 sekýndta, Venesýela – 47 mınýt 5 sekýndta ótti. Ekinshi jáne úshinshi qazaqstandyq ekıpajdar «Tank bıatlony» baıqaýynyń jeke jarysyna aldaǵy kúnderi shyǵatyn bolady.

Al Aqmola oblysy Shýchınsk qala­synyń «Amandyq» polıgo­nyn­daǵy atys shebine «Merı­dıan» saıysyna qatysatyn áskerı topograftar shyqty. Jambyl oblysyndaǵy «Gvardeısk» polıgonynda ótken jeke jarys barysynda saıysqa túskender mı­na­at­qysh­tan, granataatqyshtan jáne atys qarýynan oq atý tapsyrmalaryn oryndady. Qazaqstandyq áskerı alpınısterdiń «Elbrýs sheńberi» saıysynda kórsetken alǵashqy nátıjeleri de jaman emes.