Taraptar Sberbanktiń enshiles banktegi barlyq úlesin satý týraly kelisimge qol qoıdy, dep habarlaıdy Egemen.kz.
«Báıterek» ulttyq holdıngi men «Sberbank» AQ EB satý-satyp alý týraly mámilege qol qoıǵany jaıly holdıngtiń resmı saıtynda jarııalandy.
Baıandamada Sberbanktiń qazirgi geosaıası jaǵdaıdy basshylyqqa ala otyryp jáne enshiles bank klıentteriniń múddelerine saı áreket ete otyryp, qazaqstandyq naryqtan shyǵý týraly sheshim qabyldaǵany atap kórsetilgen.
«Sberbank Qazaqstan» joǵary sapadaǵy nesıe portfeline ıe jáne kóp jyldar boıy Qazaqstannyń qarjy naryǵynyń negizgi qatysýshylarynyń biri bolyp keldi. «Sberbank Qazaqstandy» satyp alý týraly sheshim qabyldaý kezinde «Báıterek» holdıngi onyń eldiń qarjy júıesi úshin joǵary mańyzdylyǵyn baǵalady», dep jazylǵan habarlamada.