Nur-Sultan qalalyq máslıhatynyń otyrysynda áleýmettik-mádenı damý máselesi jónindegi turaqty komıssııasynyń múshesi Lázzat Razbekova-Túleýhanova elordadaǵy áleýmettik qyzmet kórsetý ortalyqtarynda oryn alǵan zańsyzdyqtar jaıynda baıandady, dep habarlaıdy Egemen.kz.
«Memlekettik organdardyń basshylarymen «Qoljetimdi orta» jol kartasynyń qyzmetteri qalanyń barlyq aımaqtarynda taralmaǵanyn moıyndady. «Nurly júrek» ortalyǵynda 200 mln teńgeden astam qarjy jymqyrylǵany anyqtalyp otyr. Búkil derlik oryndarda tárbıelenýshilerge qoldaý kórsetý jospary formaldy túrde iske asyrylǵan», dedi komıssııa múshesi.
Spıkerdiń aıtýynsha, keıbir ortalyqtarda sanıtarlyq qaýipsizdik talaptary da buzylǵan.
«Joǵaryda atalǵan zańsyzdyqtarǵa laýazymdy tulǵalardyń óziniń fýnksıonaldyq mindetterine nemquraıly qaraýy sebep bolyp otyr», dep qosty máslıhat depýtaty.