Pákistannyń Sınd provınsııasynda meshit tóbesi opyrylyp tústi, dep habarlaıdy Egemen.kz. oxu.az agenttigine silteme jasap.
Oqıǵa provınsııanyń soltústiginde ornalasqan Haırpýr qalasynda bolǵan. Saldarynan 15 adam qaza taýyp, 70 adam jaraqat alǵan.
Atalǵan jáıtqa birneshe kún boıy tolassyz jaýǵan jańbyr sebep bolǵan. Sý meshittiń tirek konstrýksııalaryn shaıyp, shatyrdyń opyrylýyna ákelgen. Bul kezde meshit ishinde sý tasqyny saldarynan baspanalarynan aıyrylǵan adamdar bolǵan.
Aıta keteıik, Pákistanda maýsym aıynan beri jaýyn-shashyn toqtamaı tur. Osyǵan baılanysty elde jappaı sý tasqyny men kóshkin kóbeıdi.