24 tamyz kúni keshke Ile-Alataý jotasynyń taý shatqaldarynyń birinde Almaty oblysy boıynsha UQK Shekara qyzmeti departamentiniń shekarashylary memlekettik shekarany buzǵan shetel azamatyn ustady, dep habarlaıdy Egemen.kz.
«Tártip buzýshy shekara jasaǵynyń eskertýin elemeı, áskerı qyzmetkerlerge ańshylyq myltyqtan oq jaýdyrǵan. Shekara qyzmetkerlerine qarsylyq kórsetken ol, oqıǵa ornynan jasyrynýǵa tyrysty», delingen QR UQK baspasóz qyzmeti taratqan habarlamada.
Vedomstvo ókilderiniń aıtýynsha, ustalǵan azamatqa qatysty qylmystyq is qozǵaldy.
Shekarashylardyń ómiri men densaýlyǵyna zııan kelmegen, qazir olar shekaranyń taý-ken ýchaskesin qorǵaý jumystaryn jalǵastyryp jatyr.