Úndistan astanasy Nıý-Delı qalasynyń mańynda bılik zańsyz salynǵan 103 metrlik eki záýlim ǵımaratty jaryp jiberdi, dep habarlaıdy Egemen.kz.
Frans Press agenttiginiń habarlaýynsha, kópqabatty úılerdi salýshylar jergilikti bılikten qurylysqa ruqsat ala almaǵan, sondyqtan úı salynǵannan keıin qaraýsyz qalǵan.
Byldyr eldegi Joǵarǵy Sot munaralar qurylys normalary men órt qaýipsizdigi erejelerin buza otyryp salynǵan dep tanyǵan edi. Uzaqqa sozylǵan sot talastarynan keıin olardy buzýǵa buıryq shyǵaryldy.
Munaralardy bir orynda qulatýǵa tórt tonnaǵa jýyq jarylǵysh zat qoldanylǵan. Ǵımarattar nebári 10 sekýnd ishinde opyrylyp tústi.
Buzylý aldynda jaqyn mańdaǵy úılerdiń turǵyndary, sondaı-aq qaraýsyz qalǵan ǵımarattarda turatyn ıtter evakýasııalandy.