Bıylǵy jylǵy erler arasyndaǵy boksshylardyń Azııa chempıonatyn Iordanııanyń astanasy – Amman qabyldaıdy. Bul aqparat Azııa boks konfederasııasynyń resmı saıtynda jarııalandy.
Dál osy jarys osydan dál toǵyz jyl buryn Ammanda uıymdastyrylǵan bolatyn. Sol birinshilikte sarapqa salynǵan 10 bas júldeniń jeteýin oljalaǵan jerlesterimiz jalpy komandalyq esepte jeke-dara kósh bastaǵan edi. Atap aıtsaq, Temirtas Júsipov (49 kılo), Berik Ábdirahmanov (60 kılo), Mereı Aqshalov (64 kılo), Danııar Eleýsinov (69 kılo), Jánibek Álimhanuly (75 kılo), Anton Pınchýk (91 kılo) jáne Ivan Dychko (+91 kılo) qarsylas shaq keltirmedi. Odan bólek, fınalda ózbekstandyq Oıbek Mamazýlýnovqa ese jibergen Ádilbek Nııazymbetov (81 kılo) kúmis medaldy moınyna ildi. Endi jerlesterimiz bul joly da sol nátıjeni qaıtalaıdy dep úmittenemiz.