Taldyqorǵanda jasóspirim qyzdy zorlaǵan kúdikti ustaldy, dep habarlaıdy Egemen.kz Polisia.kz-ke silteme jasap.
Kámeletke tolmaǵan qyzdyń zorlanǵany týraly aryz 29 tamyzda Taldyqorǵan polısııasyna kelip tústi. Fakti boıynsha QR QK-niń 120-babynyń 3-1-bóligi (Kámeletke tolmaǵan balany zorlaý) jáne 121-babynyń 3-1-bóligimen (Kámeletke tolmaǵan balaǵa qatysty seksýaldyq sıpattaǵy zorlyq-zombylyq áreketteri) qylmystyq is tirkeldi. Tergeý aıasynda qajetti saraptamalar taǵaıyndaldy.
Zorlaý Toyota Camry avtokóliginiń salonynda jasalǵany anyqtaldy. Avtokólik tárkilenip, arnaıy turaqqa qoıyldy.
Kúdikti retinde qalalyq polısııa qyzmetkerleri 20 jastaǵy jergilikti turǵyndy ustady.
Tergeýdi oblystyq polısııa departamenti baqylaýǵa aldy.