Qazir Qazaqstanda sheteldik jumys kúshin paıdalanatyn 1762 jumys berýshi bar. Olarda 397 myńnan astam Qazaqstan azamaty jumys isteıdi, bul jalpy qyzmetkerler sanynyń 97 paıyzyn quraıdy, dep habarlaıdy Egemen.kz Eńbek mınıstrliginiń baspasóz qyzmetine silteme jasap.
«Sheteldik jumys kúshin tartýǵa berilgen ruqsattardyń ishinde birneshe sanat bar. 596 ruqsat basshylar men olardyń orynbasarlaryna, 3137 ruqsat qurylymdyq bólimshelerdiń basshylaryna berilgen. Tartylǵan jumys kúshiniń negizgi bóligin úshinshi jáne tórtinshi sanattar – tıisinshe 8037 jáne 1070 adam quraıdy. Sondaı-aq maýsymdyq jumysqa 1456 adam tartylsa, korporatıvtik aýysym aıasynda 1731 adam qamtyldy», delingen habarlamada.
Eńbek mınıstrliginiń málimetinshe, 2022 jylǵy 1 tamyzdaǵy jaǵdaı boıynsha Qazaqstan aýmaǵynda jergilikti atqarýshy organdardyń ruqsatymen 16 027 sheteldik azamat jumys isteıdi.
Eńbek mıgranttarynyń negizgi shyqqan elderi Qytaı – 3566 adam, Túrkııa – 1822 adam, Úndistan – 1724 adam, О́zbekstan – 1566 adam, Ulybrıtanııa – 1193 adam.
Ishki eńbek naryǵyn qorǵaý maqsatynda Qazaqstan Respýblıkasynyń Eńbek jáne halyqty áleýmettik qorǵaý mınıstrligi jyl saıyn respýblıkaǵa sheteldik mamandardy tartýǵa kvota belgileıdi. Memleket basshysynyń bergen tapsyrmasyn oryndaý úshin mınıstrlik shetel jumys kúshin tartýǵa arnalǵan kvotany buryn josparlanǵan 28 352 birlikten 23 560 birlikke deıin, ıaǵnı 4 792 adamǵa (16%) qysqartty.