Prezıdenttiń tapsyrmasy boıynsha QR Úkimeti Pákistan Islam Respýblıkasyna adam ólimine ákep soqqan nóser jańbyr men sý tasqyny saldaryn joıý úshin $400 myń mólsherinde gýmanıtarlyq kómek kórsetedi, dep habarlaıdy Egemen.kz Úkimettiń baspasóz qyzmetine silteme jasap.
Bul másele Premer-Mınıstrdiń birinshi orynbasary Roman Sklıardyń tóraǵalyǵymen gýmanıtarlyq kómek kórsetý jónindegi komıssııanyń otyrysynda qaraldy.
Resmı málimetter boıynsha, Pákistanda tabıǵı apattan 1033 adam qaza boldy, onyń ishinde 343 bala, sondaı-aq turǵyn úıler men ınfraqurylym qırady. Shamamen 35 mln adam baspanasyz jáne azyq-túliksiz qaldy.
27 tamyzda Pákistan Premer-Mınıstri Sh. Sharıf halyqaralyq qaýymdastyqtan kómek surady.
28 tamyzda QR Prezıdenti Qasym-Jomart Toqaev Pákistan Prezıdentine sý tasqyny saldarynan adamdardyń qaza bolýyna baılanysty kóńil aıtty.
Eske sala keteıik, buǵan deıin Pákistanda sý tasqynynan myńnan asa adam qaza bolǵanyn habarlaǵan edik.