Qostanaı oblysy turǵynynyń kóliginen 100 keliden astam esirtki tabyldy, dep habarlady Egemen.kz Polisia.kz saıtyna silteme jasap.
Qostanaı oblysy PD Esirtki qylmysyna qarsy is-qımyl basqarmasynyń qyzmetkerleri óńirge esirtki jetkizý arnasynyń jolyn kesti.
«Qarasora 2022» jedel aldyn alý sharasy aıasynda kúdiktilerdi ustaý operasııasy týraly tolyǵyraq bólimshe bastyǵy Asylbek Álmaǵambetov habarlady.
Polısııa qyzmetkeri 31 tamyzda jedel is-sharalar ótkizý kezinde Qostanaı-Áýlıekól-Surǵan tas jolynyń 107 shaqyrymynda Lada Largus avtokóligin basqarǵan Qarabalyq aýdanynyń 46 jastaǵy turǵyn toqtatqandaryn aıtty. Tintý barysynda kóliktiń salonynan ósimdik tektes zat salynǵan úsh qap tabylǵan. Saraptama bul zattyń salmaǵy 100 keliden asatyn keptirilgen marıhýana ekenin kórsetti.
«Alǵashqy tergeý áreketterin júrgizý kezinde atalǵan esirtkiniń iri partııasy oblysqa elimizdiń ońtústik óńirlerinen jetkizilgeni anyqtaldy», dedi Asylbek Álmaǵambetov.