Tarlan tarıh syr qyp, jyr qyp shertedi: Shyńǵys hannyń aıaýdy bilmes, qatygez, qaısar uly Shaǵataı eki júz áskerimen kip-kishkentaı Otyrardy alty aı boıy ala almady.
Ala almaǵan sebebi Otyrar halqynyń birligi bekem, rýhy asqaq, el basqarǵan kósemi – Qaıyr han dara týǵan dana edi, qaısarlyǵymen de, erligimen de dara edi.
Alty aıdan keıin de ala almaıtyn edi, eger bir satqyn Shaǵataıǵa Otyrardyń qaqpasyn ashyp bermese. Qaharly Shyńǵys hannyń aldynda tutqyn bolyp otyryp ta tize búkpeı asqaqtap turdy. О́r rýhty Qaıyr han dara týǵan batyrdyń erligi aqıqatpen astasqan ańyz bolyp jetti búginge. Otyrardyń ór rýhty er perzenti Qaıyr hannyń esimi men erligi halyqpen birge jasasyp keledi.
О́kinishtisi sol, elin súıgen, esimi erliktiń sımvolyna aınalǵan rýhty erdi qurmetteýimiz kemshin soǵyp tur.
О́lgen soń da oralamyz rýh bop,
Shyǵa kelip aıqasamyz kórden biz, –
dep Shandor Petefı jyrlaǵandaı, ólgen soń da ańyzǵa aınalǵan erligimen el men erdiń rýhyn asqaqtatyp turǵan Qaıyr hanǵa Otyrarda, Almaty men Nur-Sultanda eńseli eskertkish qoıatyn kez keldi.
Qaıyr han eskertkishi jastyń da, jasamystyń da patrıottyq sezimin oıatyp, halyqtyń rýhyn asqaqtatýǵa qyzmet eter edi.
Sábıt DOSANOV,
jazýshy, Memlekettik syılyqtyń laýreaty
ALMATY