Ulybrıtanııanyń syrtqy ister mınıstri Lız Trass jańa premer-mınıstr jáne konservatıvti partııanyń jetekshisi bolyp saılandy, dep habarlaıdy Egemen.kz Deutsche Welle basylymyna silteme jasap.
Lız Trass partııa músheleriniń 81,3 myń daýysyna ıe boldy. Al burynǵy qarjy mınıstri Rıshı Sýnak 60,4 myń daýys jınady.
Basylym málimetinshe, Trass pen Djonson 6 qyrkúıekte Shotlandııaǵa barady, onda bılikti resmı túrde berý úshin patshaıym Elızaveta II-men kezdesedi. Djonson resmı túrde qoshtasý sózin sóılep, otstavkaǵa ketetinin jarııalaıdy.
Sondaı-aq, Trass Londonǵa oralyp, Daýnıng-strıtte sóz sóılep, mınıstrler kabınetin taǵaıyndaıdy.
Lız Trass – Ulybrıtanııanyń burynǵy syrtqy ister mınıstri. Ol Qorshaǵan orta, azyq-túlik jáne aýyl sharýashylyǵy mınıstri, Ádilet mınıstri qyzmetterin qosa atqardy jáne Tereza Meıdiń birinshi kabınetindegi tuńǵysh áıel lord-kansler.