Shymkentte kópqabatty úılerdiń biriniń terezesinen eki jasar bala qulap ketti, dep habarlaıdy Egemen.kz.
Oqıǵa 4 qyrkúıekte keshke bolǵan. 2020 jyly týǵan bala ekinshi qabattaǵy terezeden qulap ketken. Sábı balalar aýrýhanasyna jetkizildi.
«Qalalyq balalar aýrýhanasynda balaǵa jabyq bassúıek-mı jaraqaty, ish jaraqaty degen aldyn ala dıagnoz qoıyldy. Dárigerler ul balanyń jaǵdaıyn ortasha turaqty dep baǵalap otyr. Saǵat 20:45-te dárigerler qaraǵan soń, ambýlatorlyq emdelýge úıine jiberildi», delingen qalalyq TJD habarlamasynda.