Qyzylorda qalasynda A.N.Syzǵanov atyndaǵy Ulttyq ǵylymı hırýrgııalyq ortalyǵynyń mamandary turǵyndarǵa dıagnostıkalyq keńes berdi. Oblys ortalyǵyndaǵy №3, 6 emhanalar men ALEXEY SULTAN-AKHMET klınıkasynda hırýrg, onkolog, gepatolog, ýrolog, endokrınolog, anestezıolog-reanımatolog dárigerler qabyldaý júrgizdi.
A.N.Syzǵanov atyndaǵy Ulttyq ǵylymı hırýrgııalyq ortalyǵynyń basqarma tóraǵasy, medısına ǵylymynyń doktory, professor, joǵary sanatty hırýrg Bolatbek Baımahanovtyń 60 jasqa tolýyna arnalǵan sharalar aıasyndaǵy qabyldaýda turǵyndar mamandarǵa alǵysyn jetkizdi. Osydan keıin oblystyq densaýlyq saqtaý basqarmasynyń uıymdastyrýymen kópbeıindi oblystyq aýrýhanasynda «Qazirgi tańdaǵy hırýrgııa salasynyń ózekti máseleleri» taqyrybyndaǵy ǵylymı-tájirıbelik konferensııa ótti.
Konferensııada mereıtoı ıesin oblystyq máslıhat hatshysy Naýryzbaı Baıqadamov, Túrkistan oblystyq densaýlyq saqtaý basqarmasynyń basshysy Marat Pashımov, Densaýlyq saqtaý isiniń úzdigi, sala ardageri Turǵanbaı Mahanov quttyqtap, qurmet kórsetti. Altyn qoldy dáriger jaıly «Dáremet» kitabynyń tusaýy kesildi.
A.N.Syzǵanov atyndaǵy ulttyq ǵylymı ortalyǵynyń bólim meńgerýshisi Maqsat Doshanov «Gepatopankreatobılıarly hırýrgııanyń zamanaýı damý tendensııalary», Túrkistan oblystyq klınıkalyq aýrýhanasy №1 hırýrgııa bóliminiń meńgerýshisi, medısına ǵylymdarynyń kandıdaty Jeńis Serǵazın «Gastroezofagealdi reflıýks jáne morbıdti semizdik kezindegi sımýltantty laparoskopııalyq emi» taqyrybynda baıandama jasady. A.Iаsaýı atyndaǵy HQTÝ hırýrgııa, anestezıologııa-reanımasııa kafedrasynyń oqý bóliminiń meńgerýshisi Ylham Annaorazov óz tájirıbesi týraly aıtty.
Bolatbek Baımahanov 300-den astam ǵylymı maqala avtory. О́nertabys boıynsha 45 patent ıelengen ǵalymnyń jetekshiligimen ondaǵan kandıdattyq jáne doktorlyq dıssertasııalar qorǵalǵan. Onyń bastamasymen Qyzylorda oblysynyń hırýrgııa salasyna júrekke túrli dárejedegi otalar jasaıtyn jańa tehnologııa engizildi.
Qyzylorda oblysy