ASTANA. 14 mamyr. EKSPO-2017 kórme kesheniniń negizgi ǵımaraty – Qazaqstan ulttyq pavılonyn salý maýsym aıynda bastalady dep kútilýde. Bul týraly primeminister.kz habarlady.
EKSPO-2017 kórme kesheni aýmaǵynda ornalasatyn 26 nysannyń eń negizgisi – ulttyq pavılondy AQSh-tyń dúnıejúzine tanymal Adrian Smith + Gordon Gill Architecture kompanııasy salady.
Esterińizge sala keteıik, 2013 jyly ótken osy pavılon ǵımaratyn turǵyzýǵa arnalǵan arhıtektýralyq baıqaýda usynylǵan jobalardyń ishinde atalǵan kompanııanyń shar tárizdes eskız-úlgisi úzdik shyqqan.
Ulttyq pavılon dıametri 80 metr keletin sferany beıneleıdi.
EKSPO-2017 kesheninde kórme ǵımarattarynan basqa, turǵyn úı keshenderi, mektep, bala-baqsha, qonaq úı jáne kongress-holl kiredi.
Joldybaı Bazar.
Derekkóz: primeminister.kz
Foto: gazeta.kz.