Granttar bilimdilerge buıyrdy

Q.Jubanov atyndaǵy Aqtóbe óńirlik memlekettik ýnıver­­­sı­tetinde jalpy bilim berý mek­tepteri jáne kolledj túlekteri arasynda matematıka men fızıkadan osy joǵary oqý ornynyń granttary úshin pándik olımpıada ótkizildi. Olımpıadanyń maqsaty – daryndy oqýshylardy qoldaý bolyp tabylady. Sharaǵa oblystyń 31 jalpy bilim berý mektebi men 2 kolledjinen 179 túlek qatysty. Pándik olımpıadada qazaq tilinde oqıtyndar arasynda matematıkadan birinshi oryndy oblys ortalyǵyndaǵy M.Aryn atyndaǵy Qarǵaly orta mektebiniń túlegi Ina­bat Sultanǵalıeva jeńip aldy, ekin­shi oryndy Alǵa qalasyn­daǵy №3 orta mektepten Sandý­ǵash Qusaıyn men Aqtóbe qalasyn­da­ǵy №36 orta mektepten Sanat Orysbaev bólisti. Úshinshi oryn­ǵa Aqtóbe qalasyndaǵy №51 mek­tep-gımnazııadan Erbolat Qabyl, Qarǵaly aýdanyndaǵy №2 orta mekteptiń túlegi Aınur Baımaǵambetova jáne Yrǵyz gımnazııasynan Qonysbek Qaıyrov laıyqty dep tanyldy. Orys tilinde oqıtyndar arasynda Aqtóbe qalasyndaǵy №11 orta mektep-gımnazııanyń túlegi Sadyq Gıýlmamedov matematıka páninen jeńimpaz boldy. Oblys ortalyǵyndaǵy №9 orta mektep-gımnazııasy­nan qa­tys­qandar Nazerke Kul­muha­nova men Mádına О́tegeno­va­nyń bilimderi ekinshi orynmen ba­ǵalandy. Úshinshi orynǵa Hromtaý qalasyndaǵy №4 orta mektebiniń túlegi Alına Dııarova, Aqtóbe qalasyndaǵy №3 orta mektebiniń túlegi Aleksandr Reznık jáne №11orta mektep-gımnazııadan Janserik Danııarov ıe boldy. Fızıkadan qazaq tilinde oqı­tyndar arasynan birinshi oryndy Aqtóbe qalasynyń Blagodar orta mektebiniń túlegi Nursaıyn Ánesov aldy. Ekinshi oryndy Aqtóbe qalasyndaǵy №15 orta mekteptiń túlegi Nurbol Mádenov pen №2 Badamsha orta mektebinen Daıana Kumarova ózara bólisti. M.Aryn atyndaǵy Qarǵaly orta mektebiniń túlegi Nurtýǵan Isa­taev, Blagodar orta mekte­bi­nen Erjan Pazylbekuly jáne №36­ orta mektepten Nurlybek Áli­­bekov úshinshi oryndy qanaǵat tut­ty. Orys tilinde oqıtyndar arasynda Aqtóbe qalasyndaǵy №23 orta mektep-lıseıdiń túlegi Daıana Kojahmetova birinshi oryndy jeńip aldy. Ekinshi oryn osy №23 orta mektep-gımnazııanyń túlegi Merýert Kııanbaeva men №20 orta mektep-lıseıden Dınara Nurǵojıevanyń enshisine buıyr­dy. Úshinshi oryndy Aqtóbe qala­syndaǵy №3 orta mekteptiń túlegi Ǵazıza Ahmetova, №11 orta mektep-lıseıdiń oqýshysy Dıana Álimbekova jáne №23 orta mektep-lıseıden Abylaı Shý­panov ıelendi. Olımpıada jeńimpazdaryna bir jylǵa tegin oqý granttary tapsyrylsa, ekinshi oryn alǵandar jyldyq oqý aqysynyń 50 paıyzynan jáne úshinshi oryn alǵandar 33 paıyzynan bosatylatyn bolady. Satybaldy SÁÝIRBAI, «Egemen Qazaqstan». Aqtóbe oblysy.